දෙමාපිය සෙනෙහස රියැලිටියෙන් ඔබ්බට විමසමු

දෙවැනි බුදුන් ලෙස ලෝක පූජිත ගෙදර බුදුන් අම්මා ය. දරා දස මසක්  දරුවන් මෙළොවට ජනිත කිරීම පමණක් නොව දරුවන්ගේ සුබ සිද්ධිය උදෙසා තමන්ගේ ජීවිතය පරදුවට තබමින් කඳුලැලි දහඩිය මුගුරු වගුරවමින් තමන්ගේ සතුට දරුවන්ගේ සතුට වෙනුවෙන් කැප කරන්නට තරම් පරාර්ථකාමී උතුම් මනුසත්කමක් හිමි මිනිසුන් අතර දෙමාපියන්ට හිමි වන්නේ සුවිශේෂී ස්ථානය කි .රුධිරය කිරි කරන්නටත් සෙනෙහස මහ මෙරක් සේ දරුවන්ට  පුද කරන්නටත් අපූරු හැකියාවක් ඇති මව්තුමියත් ,අප්‍රකාශිත සෙනෙහසකින් නිහඬවම දරු කැළගේ සුභ සිද්ධිය වෙනුවෙන් ජීවිත කාලය කැප කරන පියතුමත්  දරුවන්ගේ මුල් ගුරුවරුන් මෙන්ම පරමාදර්ශී චරිතයන්‍ ය..

ලෝකය නිර්මාණය වී ඇත්තේ හිරුගේ කිරණින් හා මවගෙ රුධිරයෙනි.මැක්සිම් ගෝර්කි පැවසුවේ එලෙසිනි.වචනයේ පරිසමාප්තියෙන්ම මව ගෙදර බුදුන්‍ ය.හිරු නැඟෙන්නටත් ප්‍රථමව අවදිවන ඈ  නින්දට යන්නේ සියල්ලට පසුවය.දරුවන්ගේ යහපත් මිස ඇයට අන් සතුටක් නැති තරම් ය. කුසගින්නට රස බොජුන් ගත සරසන්නට සුව සිනිඳු වස්ත්‍ර සොයනවාටත් වඩා ඇය දරුවන් සරසන්නට සනසන්නට සිහින දකින්නට පටන් ගත්තේ කුස තුළ කළලය පණ ගැසෙන්නටත් මත්තෙන්ය.

එතැන් පටන් දස මස කුස දරා දරුවන් බිහි කරන දා දක්වාත් ඉන් පසුවත් ජීවිත කාලය පුරාවටත් මවට ලෝකයම වූයේ දරුවන්‍ ය.සිය දහස් ගණනක් වූ සිහිනයන් යතාර්ථයක් කරන්නට අප්‍රමාණ කැප කිරීම් කරමින් මවු වරුන් පියවරුන්  ඔවුන්ගේ සතුට සදහටම අමතක කරන්නට තරම් අපූරු සෙනෙහසක උරුමකරුවන්‍ ය. තාරුණයේ උජාරුවෙන් සැරසූ අග පසග රැළි වැටී වැහැරෙන්නේ හැඩි දැඩි අත්පා කරගැට සැදී රිදුම් දෙන්නේ දරුවන් වෙනුවෙනි.

වෙල් දෙණිවල ඇවිද බතල දළු නෙලා තම්බා දුන් මව් වරුන් මෙන්ම, දිය හැකි ප්‍රණීතම රස මසවුළු ලබා දුන් අම්මාවරු තමන්ට ඇති හැකි පමණින් දරුවන් වෙනුවෙන් සිය ජීවිත කැප කළ බව නොරහසකි.
(තමන්ගේ කුසින් වැදූ දරුවන් මහ මග දමා ගිය ,දෙතන කිරි ටික දරුවන් වෙනුවෙන් දිය නොකළ අම්මාවරුන්ද සිටින බව වෙනමම කතා කළ යුත්තකි.)

ගෙයින් පිටට යනවිට එසිය හැටක් වැඩත් ගෙයට ඇතුළු වන විට එසිය හැටක් වැඩට දක්ෂ මවු තුමිය තරම් පරමාදර්ශී චරිතයක් දරුවකුට සිටිය හැකිද..ලයාන්විත නැලැවිල්ලෙන් දරු පරපුර සනසන්නට නලවන්නට ඇයට තරම් අපූරු හැකියාවක් වෙන කාටවත් නැති තරම්‍ ය.වැදූ මෙන්ම හැදූ මවුන්ද එකසේ වැදගත්‍ ය..

වර්තමානය මානුෂීය සම්බන්ධතාවයන් පවා උඩු යටිකුරු කළ යුගයකි.වෙනස්වන සමාජක්‍රමයක තුල මිනිසාගේ බැඳීම් පවා සීග්‍රයෙන් වෙනස් වෙමින් පවතී.මා පිය දූ දරු සබඳතා පවා ප්‍රශ්නාර්ථයක් ලෙස නිර්මාණය වන බවක් දැක ගත් හැකි වේ.
එවන් යුගයක හොඳම දරුවා හඳම දෙමාපියන් මනින්නේ හරි අපූරු ලෙසනි.

මූදල් මත දේපල ඉඩකඩම් මත මෙන්ම දක්ෂතා මතින් මිනිසුන් වර්ගීකරණය කරමින් ලාංකේය මාධ්‍ය රියැලිටියක් නිර්මාණය කරමින් පවතී.සැණකින් බිහි වන තරු සංකල්පය කොතැනට උචිත වුවත් එය මාතෲත්වයට ගැලපීම් සර්ව සාදාරණ යැයි නොසිතමි.
සැබෑය මවු වරුන් තුළ සැගවුණු කුසලතා බොහෝය.නමුත් නුදුරේදී "මගෙ අම්ම තරම් ඔයස්ගෙ අම්ම දක්ෂ නෑ' ලෙස නොදරුවන් අතර පවා ගැටුමක් නිරමාණය වන්නට ඇති අවකාශය වැඩි යැයි සිතමි.සැම දරුවෙක්ටම ලිව හොඳම පුද්ගලයින් වන්නේ තම දෙමාපියන් වීමෙහි වරදක් නැත .එය එක් ක්ෂේත්‍රයක් මත මැනීම සාධාරණ නොවන වව මගේ මතයයි. නුදුරේදී ලාංකේය මාධ්‍ය සුපර් ඩැඩ්ලාවද සොයා යනු ඇත.

මේ උත්සාහය පවතින සමාජක්‍රමය මත වෙනස් නොවී සිටිය යුතුයි පැවසීමට නොවේ.වෙනස් වන සමාජ ක්‍රමය මත මිනුසින් වෙනස් විය යුතුය..දැඩි ලෙස සංස්කෘතික මත වල එල්ලී සිටිය යුතු නැත.

නමුදු මානුශීය බැඳීම් රියැලිටි වැඩසටහන් මත මැන බැලීම සාධාරණද යන්න වරක් දෙවරක් නොව දස දහස් වර සිතිය යුතු යැයි සිතමි.


වාශු❤